Kreu i PD-së Sali Berisha, në mbledhjen e kryesisë së partisë, deklaroi se Gledis Nanon e shkarkuan sepse nuk mbuloi dot krimet që bënte qeveria.
Berisha lëshoi akuza të forta duke thënë se dërgesa e fundit e drogës 2.2 tonë nuk u dërgua në Itali me skafe, por me varkë me vela e klubit të ministrit Bledi Çuçi.
“Nano iku sepse 2.2 tonë drogë në Itali, nuk shkuan nga skafet por nga velat e klubit të Çuçit, ato tha kam pasion unë. Nuk është se Nano po bënte ndonjë luftë efikase por pati naivitetin dhe jo sinqeritetin, që këto të mos i mbulojë. Iku, po kush iku tjetër me të? Iku dhe drejtorja e Agjencisë së luftës kundër larjes së parave. Ishte një emër formal në të detyrë. Do vij një militant i thekur i PS në mënyrë që agjencia të shndërrohet në agjencinë e mbrojtjes së parasë së krimit”, tha ai.
