Ministri i Jashtëm i Rusisë, Sergei Lavrov deklaroi se vendet perëndimore, të udhëhequra nga Shtetet e Bashkuara të Amerikës po kërkojnë të shpërfillin proceset historike objektive, të cilat mund të ngadalësojnë formimin e një bote shumëpolare.
Megjithatë, Lavrorv thotë se Perëndimi nuk do të arrijë ta bëjë diçka të tillë, shkruan agjencia ruse e lajmeve, “Tass”.
“Fatkeqësisht, partnerët tanë perëndimorë, të cilët ia kanë dorëzuar frenat e pushtetit Shteteve të Bashkuara, po kërkojnë të shpërfillin proceset objektive historike, të cilat mund të ngadalësojnë formimin e një bote shumëpolare, por nuk do të jenë kurrë në gjendje ta ndalojnë atë”, theksoi ai.
Sipas Lavrovit, politikanët duhet të shohin se çfarë po ndodh në jetën reale dhe të ndërtojnë politikën e tyre në përputhje me kërkesat e historisë.
