Ish-Presidenti Ilir Meta, drejtues i Partisë së Lirisë, e quajti Edi Ramën një vagabond.
“Po afron dita e drejtësisë për kvta vagabondët e Rilindjes, se ne jemi me Rilindjen e Petro Nini Luarasit. Ti je ai që thua që popullit shqiptar nuk i ngrihet? More vagabond, po ne jemi populli i Mujo Ulqinakut, Vojo Kushit. Unë jam çun i pazarit të ri, që na mësonin që ti binim në grusht më të fortit. Unë të thyej në mes, që të duket ai Erjoni i Kolonjës si gjigand, more vagabond”, tha Meta, gjatë një takimi me strukturat e Partisë së Lirisë.
Në vijim, Meta tha se Edi Rama nuk do të ketë lekë as për avokatët që ta mbrojnë.
“Kur të shkojë te dhoma 4 te spitali 5, do e kesh policin te dera. Kur isha Kryeministër e ruaja atë që ishte ministër Kulture, se ai s´di të bëjë letra. Do marrësh një ndëshkim shembullor që të paktën 200 vjet askush mos e mendojë të vjedhë, të shkelë Kushtetutën apo të bëjë këtë veprimtari armiqësore kundër Shqipërisë”, tha Meta, duke iu drejtuar në distancë Ramës.
Meta theksoi se ai ka ardhur në Tiranë kur ishte 1 vjeç, ndërsa e ka për nder që quhet Ilir Rexhep Meta, që kurrë nuk e ka akuzuar babain e tij për ndonjë gjë.
