Nesti Sotiri, 60 vjeç, humbi jetën mbrëmjen e së hënës në fshatin Rëmbec në Maliq, pasi u qëllua me thikë nga fqinji i tij, Velo Hazisllari. Ky i fundit është arrestuar nga policia, ndërsa ngjarja ka ndodhur pas një konfliti mes autorit dhe viktimës.
Policia ka reaguar lidhur me ngjarjen, ndërsa mësohet se edhe autori për shkak të plagëve të marra është i shtruar në spitalin e Korçës.
Njoftimi i policisë:
Më datë 08.08.2022, rreth orës 21:40, jemi njoftuar se në fshatin Rëmbec, Maliq, gjatë një konfliti për motive të dobëta, ishte plagosur me mjet prerës (thikë), shtetasi N. S., i cili pasi mbërriti në Spitalin e Korçës, ka ndërruar jetë.
Menjëherë pas marrjes të njoftimit, shërbimet e policisë janë nisur drejt vendngjarjes ku bënë të mundur edhe identifikimin e autorit të dyshuar të ngjarjes, konkretisht shtetasi V. H., që për shkak të dëmtimeve të marra, ndodhet nën kujdesin e mjekëve në Spitalin e Korçës, me të cilin do të kryen veprimet e mëtejshme procedurale.
Grupi hetimor po punon për sqarimin e plotë të rrethanave të ngjarjes.