Tre shqiptarë me banim në Vlorë janë arrestuar sot në kuadër të operacionit të koduar “Syri”.
Operacioni është zhvilluar nga Guardia Di Finanza në bashkëpunim me Policinë e Shtetit.
U sekuestruan 992 kilogramë kanabis në gjirin e Arushës dhe gjithashtu 3 skafe që po përdoreshin për transportimin e lëndës narkotike.
Në pranga ranë edhe dy shtetas ukrainas dhe u shpall në kërkim një tjetër vlonjat.
Njëri prej të arrestuarve, Arbër Saraseli, 31 vjeç është një emër i njohur për policinë pasi në vitin 2015 në shtëpi iu gjetën 5 pako tritol.
Saraseli u arrestua në atë kohë në kuadër të operacionit “Laguna”, pasi dyshohej se lëndën eksplozive do e përdorte për gjueti peshku.