Tre të paraburgosur në burgun e Peqinit godasin policët.
Sipas raportimeve bëhet fjalë për shtetasit, Kastriot Likja, Arlind Daja dhe Kreshnik Ibraliu, të cilët nuk i janë bindur forcave të policisë. Incidenti ka ndodhur në përfundim të orarit të ajrosjes së tre të paraburgosurve, që duket se nuk i janë bindur urdhërit për tu kthyer në qelitë e tyre.
Mësohet se SHKKB ka dërguar grup pune në burgun e Peqinit për të hetuar rrethanat e ngjarjes.
Njoftimi:
Më 4 gusht 2022 u arrestuan në flagrancë 3 shtetas të paraburgosur në IEVP Peqin:
K.L. për “Rebelimi i të dënuarve”, “Goditje për shkak të detyrës”, “Plagosje e lehtë me dashje” dhe “Kundërshtimi i punonjësit që kryen një detyrë shtetërore ose shërbim publik” te parashikuar nga nenet 270,237,89 dhe 235 të Kodit Penal.
A.D. për “Rebelimi i të dënuarve” dhe “Kundërshtimi i punonjësit që kryen një detyrë shtetërore ose shërbim publik” te parashikuar nga nenet 270, dhe 235 të Kodit Penal.
K.I. për “Rebelimi i të dënuarve” dhe “Kundërshtimi i punonjësit që kryen një detyrë shtetërore ose shërbim publik” te parashikuar nga nenet 270, dhe 235 të Kodit Penal.
Materialet i kaluan Prokurorisë Pranë Gjykatës së Shkallës së Parë Elbasan.
