Kryeministri Edi Rama në konferencën për mediat me kryeministrin spanjoll, foli edhe për situatën në Kosovë.
I pyetur nëse Ballkani i Hapur e tensionon situatën në Veri, Rama tha se ai vetë është për paqen e jo luftën.
“Këto situata nuk tregojnë që Ballkani i Hapur është i panevojshëm apo i gabuar, këto situata nuk tregojnë që devotshmëria jonë për dialog dhe paqe është e panevojshme. Këto situata tregojnë se ne kemi nevojë për Ballaknin e Hapur.
Kosova duhet të ulet për Ballkanin e Hapur. Këto situata tregojnë që kur vjen puna për zgjidhje, një rrugë është kthimi pas për luftë dhe rruga tjetër është ndërtimi i paqes. Unë jam me pjesën që të bëjmë paqe, na duhet të punojmë shumë për paqen dhe me këmbëngulje për të ndërtuar rrugë ndërveprimesh që na japin mundësi që ne jemi dy palë qeniesh.
Fëmnijëve tanë kemi detyrim t’iu lëmë një hapësirë paqeje dhe jo një hapësirë me mina që shpërthejnë.
Marrëdhënia miqësore me Vucic nuk më bën që të ndalem për ato gjëra që nuk jemi dakord. Spanja ka arsyet e veta që ta lexojë ashtu sic e lexon marrëdhëniet e Kosovës, por kjo nuk e pengon Spanjën të thotë se ne jemi për liberalizimin e vizave për Kosovën”, tha Rama.
