Kuvendi do të mblidhet sot në seancë të jashtëzakonshme për të votuar ndryshimet në qeveri. Socialistët pritet të miratojnë shkarkimin e Arben Ahmetajt si zëvendës kryeministër dhe emërimin e Belinda Ballukut në vend të tij.
Po ashtu, në seancë do të miratohet edhe emërimi i ministres së Shtetit, Majlinda Dhuka, e cila do të jetë kryenegociatore e Shqipërisë në procesin e anëtarësimit në BE. Seanca do të mbahet në orën 17:00.
Kryeministri Edi Rama bëri ndryshimet në qeveri, sapo presidenti i ri i vendit Bajram Begaj mori detyrën. Ishin këto firmat e para të Begajt si kryetar shtetit.
Nga na tjetër, partia Demokratike kërkoi që ndryshimet në qeveri të mos kalojnë pa debat në Kuvend. Kreu i grupit parlamentar të demokratëve, Enkelejd Alibeaj depozitoi kërkesën në Kuvend për të zhvilluar debat, por socialistët e rrëzuan.
Kjo ka sjellë reagime të ashpra nga deputetët demokratë.
