Avokati Ylli Manjani, ish-ministër i Drejtësisë, në takimin ku është prezent edhe kreu demokrat, Sali Berisha, tha se Gjykata e Apelit nuk mund të vijojë të mbajë peng vendimin lidhur me Partinë Demokratike.
Manjani tha se vetë kjo Gjykatë u shpreh se kërkonte mos kishte presion, atëherë pse nuk e marrin atë vendim dreqi e mori.
“Edhe Basha-Alibeaj janë shprehur se çështja duhet të zgjidhet shpejt, kjo çështje nuk ka nevojë as për ndonjë gjykim, pasi populli e tregoi se kush është PD, atëherë pse duhet të mbahet peng drejtimi i kësaj partie?”, tha Manjani.
Në vijim ai kërkoi nga Berisha që të përcaktonte çështjet që do të protestohej, pasi publiku pret mbi ato që duhet të reagojnë qytetarët.
“Ka shumë histori e tema që vijnë nga debatet në rrjetet sociale, opinioni publik pret nga Ju, nga Partia Demokratike, nga ata që ju mandatoni se çfarë do të ndodhë me taksat, me emigrantët, me sistemin politik dhe atë zgjedhor”, iu drejtua Manjani, Berishës.
Manjani tha se mafia është një problem madhor, ne duhet ti tregojmë shqiptarëve se si do e luftojmë, pasi ka një problem të madh, që po na shfaq në sytë edhe të vendeve që na mbështesin që nuk na duan.
“Austria na ka mbështetur gjithmonë, por qytetarët austriakë nuk na duan në BE. Pse? Sepse problem është mafia”, tha Manjani.
