Shefi i organizmit në PD, Klevis Balliu deklaroi sot në emisionin “Open” se aferat me inceneratorët dhe skandalet e tjera që janë bërë publike këto ditë, vazhdojnë të mos ndalen sepse i lejon kryeministri Edi Rama.
Ai tha se në Doganën Shqiptare vijon të kalohet drogë, dhe se drejtori Gent Gazheli nuk sheh gjë.
“Incenaratorët nuk ndalen se ka një padron dhe quhet Edi Rama. Do u jap dy fakte që vërtetojnë këtë tezë, Tahiri iku që në 2017, droga te Gazheli vazhdon kalon, hynë e del sa herë të duan dhe Gazheli nuk sheh gjë në Doganat Shqiptare, po Saimiri iku, përse vazhdon droga? Sepse është Rama! Pse vazhdojnë inceneratorët? Sepse vazhdon Rama.
SPAK minimalja të ndalonte urgjentisht këtë akt kriminal dhe banditeskt që përkthehet në fjalën inceneratorë, dhe vetë Rama po kthehet në një kosto dhe për analistët që e mbrojnë dhe vetë shoqatën e Sorosit sepse po bëhet i pambrojtshëm. Se Rilindja është si anije që po mbytet dhe këtij i duhet kohë të hedhë pesha jashtë anijes, dhe kush janë peshat? Peshat janë këta”, tha ai.
