Në Bruksel, ka nisur konferenca e parë ndërqeveritare Shqipëri-BE. Përfaqësuesi i BE-së u shpreh se negociatat do të jenë strikte dhe rigoroze.
Ai tha se do të ketë udhëzim të qartë për detyrat që duhet të kryhen dhe shtoi se do të mbetet në dorë të vendeve të BE për të vlerësuar nëse janë përmbushur kushtet më pas.
Mezi presim t’ju kemi si anëtar me të drejta të plota, përfundoi përfaqësuesi i BE-së.
“Mirëpresim vendosmërinë e Shqipërisë për kryerjen e reformave, është partner i ngushtë i BE dhe pjesë e MSA. MSA është në zbatim prej 2009 dhe është bazë e bashkëpunimit në shumë fusha. Të mirat për të dyja palët janë të qarta, në biznes apo investimet e huaja. Udhëtimi drejt BE është bërë më I lirë. Pas tërmetit BE mori një rol udhëheqës sa I takon rindërtimit. Shqipëria mori pjesë në një sërë programesh. Shqipëria është një vëzhguese për të drejtat themelore të njeriut. Solidariteti u demostrua edhe gjatë pandemisë, ku BE qëndroi pranë Shqipërisë. Shqipëria ka ofruar staf mjekësor, agresioni rus ka ndikim të madh, BE dhe Ballkani janë bërë bashkë në mbështetje të Ukrainës. Mirëpresim përputhshmërinë e Shqipërisë me politikën e jashtme. Këshilli mirëpriti vendosmërinë e Shqipërisë për të cua para axhendën dhe ka dhënë efekte të prekshme. Këshilli mbetet I zotuar për të cuar përpara procesin e zgjerimit, që procesi të jetë më I besueshëm më dinamik. Mbështetur mbi kriteret, BE I vendos shumë vëmendje zotimit të angazhimeve. Secili vend vlerësohet vec dhe sipas meritave. Këshilli miratoi më 18 qershor 2022 kuadrin e përgjithshëm si edhe konkluzione të tjera. Shqipëria duhet të zbatojë të gjitha reformat në fushën e zbatimit të ligjit, në gjyqësor, reformën në administratën publike si edhe kriteret ekonomike.Grupet përkatëse do të jenë baza e negociatave”, tha përfaqësuesi i BE-së.
“Raportimet do të japin udhëzim të qartë për detyrat që duhet të kryhen. Shqipëria ka adresuar 5 prioritet kryesore. Këshilli apelon Shqipërinë të cojë më tej progresin e arritur. Zgjerimi i kapaciteteve gjyqësore dhe administrative është pjesë e grupeve. Shqipëria duhet të vijojë të angazhohet në bashkëpunimin rajonal. Mirëpresim faktin që Shqipëria është në përputhshmëri të plotë me politikat e BE dhe urojmë të vijoni kështu. Do të mbetet në dorë të vendeve të BE për të vlerësuar nëse janë përmbushur kushtet më pas. Negociatat do të jenë strikte dhe rigoroze, shpresojmë të arrijmë në mbyllje të suksesshme. Mezi presim t’ju kemi si anëtar me të drejta të plota”, u shpreh përfaqësuesi i BE-së, shtoi ai.
Përfaqësuesi i Politikës së Jashtme të BE-së, Joseph Borrell deklaroi në tryezën e parë ndërqeveritare se “ne kemi nevojë për Shqipërinë që të plotësojmë kuadrin e Bashkimit Europian”.
Eurokomisioneri Oliver Varhelyi tha se dita e sotme që shënon çeljen zyrtare të negociatave të Shqipërisë me BE-në është një ditë historike për Brukselin dhe për vetë Shqipërinë. Gjatë fjalës së tij në Konferencën e Parë Ndërqeveritare, Varhelyi theksoi se procesi i negociatave do të kërkojë vullnet të fortë politik dhe do të ndryshojë shumë aspekte të shoqërisë shqiptare.
“Ky është çast dhe ditë historik për BE-në dhe Shqipërinë. Në emër të KE dua t’ju përgëzoj z. Kryeministër dhe ekipin tuaj për këtë sukses të arritur. Është një njohje e merituar e gjithë progresit të bërë. Shqipëria vijon të përmbushë të gjitha hapat. Është vendimtare që Shqipëria të mbetet e zotuar ndaj këtij procesi. Sundimi i ligjit, reforma në gjyqësor, lufta kundër korrupsionit, krimit të korrupsionit, të drejtat e pakicave dhe liria e shprehjes. Jemi të gatshëm të mbështesim. Negociatat do të kërkojnë vullnet të fortë politik, drejtim dhe mençuri në drejtimin e punëve, koordinim mes institucioneve dhe mbarë administratës tuaj. Përgatitemi për anëtarësim do injektojnë ndryshim në shumë aspekte të shoqërisë së Shqipërisë. Do ishte thelbësore të komunikojmë rregullisht me publikun e gjerë. Komisioni do t’ju këshillojë në përballjen e të gjitha sfidave. Roli i komisionit është që të bëjë që ky proces të funksionojë”, u shpreh Varhelyi.
