Deputeti socialist, Petro Koçi, një vit më parë, kur mbate postin e zv.ministrit të Mbrojtjes, i drejtohej SPAK me një thirrje publike, që të hetonte në Fier ata që po përfitonin tendera dhe që pastronin paratë e krimit. Nga kjo deklaratë e Koçit nuk ka pasur ndonjë reagim nga SPAK, por 1 vit më parë ndaj deputetit të PS pati reagime nga drejtues të institucioneve vendore në Fier, por edhe nga strukturat e PS-së që e kundërshtonin.
Sot 1 vit më pas, sërisht deputeti i Qarkut Fier ka rikthyer në vëmendje deklaratën, madje ndoshta edhe si një kujtesë për Prokurorinë Speciale.
“1 vit më parë deklarata të cilës i qëndroj në çdo presje. Reagimi i mepasëm për larje hesapesh politike i disa nëpunësve të administratës vetëm sa vërtetoi realizmin e qëndrimit tim”, shkruan Koçi në rrjet, duke postuar pikërisht deklaratën e bërë.
Ndoshta këtë rradhë, deputeti socialist mund të dëgjohet edhe nga SPAK lidhur me qëndrimin e tij…
