Deputeti i Bundestagut, Adis Ahmetoviç në një konferencë për shtyp nga Tirana, u pyet nga gazetarët e pranishëm se kë njeh në krye të PD-së, Berishën apo Alibejan.
Adis Ahmetoviç u shpreh se nuk mund të komentojë çdo gjë që ndodh në vend me politikat e brendshme.
“Unë nuk mund të komentoj gjithçka që ndodh në politikën e brendshme. E thashë shumë qartë pozicioni i qeverisë dhe i shumicës në parlamentin shqiptar është i duhuri…Ju po luftoni vit pas viti për të hedhur hapat e mëtejshëm për t’u bërë pjesë e BE. Por iu desh të prisni sërish, megjithatë Shqipëria nuk ndali së punuari për këtë ide të BE, kështu që qeveria, partitë politike në parlament kanë mbështetjen tonë të plotë për këtë agjendë”, u shpreh ai.
