Korporata Elektroenergjetike Shqiptare të dhënat zyrtare mbi situatën në kaskadën e Drinit ku liqeni i hidrocentralit më të madh, Fierzës, është në kuotën 285.49 metrave. Për herë të fundit KESH raportoi të dhënat në 22 qershor dhe Fierza ishte në kuotën 289.2 metra.
Nga ana tjetër Komani është në nivelin e 173.73 metrave duke rezultuar kështu me një rritje të lehtë në raport me thuajse tre javë më parë kur kishte një nivel 173.38 metra. Liqeni i hidrocentralit të tretë të kasadës, Vau i Dejës ishte 73.78 metra që edhe në këtë rast ka një ndryshim tejet minimal në raport me tre javë më parë kur ishte 73.73 metra por këtë herë në rritje.
Prodhimi ditor në kaskadë sipas KESH është 8690 MWh më pak se gjysma e konsumit ne vend ndërkohë që rezerva energjetike vlerësohet 948.9 GWh.
KESH nënvizoi pak ditë më parë për “Monitor” se gjatë verës prodhimi vendas mund të përballojë deri në 55 për qind të nevojës ndërkohë që pjesa tjetër do të menaxhohet nga blerjet në tregun e parregulluar.
Këtë të mërkurë 1MË energji në Bursën e Hungarisë u shit për 433 euro në pik me një rritje 26.5 për qind në raport me një ditë më parë, ndërkohë që në bazë një megavat kushtoi 417 euro me një rritje 14.44 për qind.
Kaskada e Drinit menaxhohet në bazë të një rregulloreje të hartuar në vitin 1988. Rregullorja parashikon edhe nivelet në të cilat duhet të mbahen liqenet e kaskadës gjatë dy kohëve. Për Fierzën, për shembull, niveli i liqenit në periudhën 1 prill – 1 tetor në rregullore është në kuotën 295 absolute, 296 relative. Për periudhën 1 tetor – 1 mars, niveli është në kuotën 289 metra absolute dhe 290 metra relative.
Çmimet në Bursën Hungareze ishin 255 euro MWH për pikun në datën 19 prill ndërkohë që për datën 20 ka një rënie me 1.67 për qind për çmimin bazë duke shënuar 241 euro/MWh kurse në pik çmimi është 252 euro/MWh apo 1.34 për qind.
/Monitor.al/
