Deputeti i PD-së, Tritan Shehu i ftuar në “Fax News” ka folur për hapjen e negociatave të Shqipërisë me Bashkimin Europian.
Sipas Shehut, Rama është fajtor për këtë vonesë kaq të gjatë ndërsa theksoi se Ballkani i Hapur është anti-europiane dhe favorizon Serbinë.
“Rezoluta shmang dënimin direkt të gjenocidit, shmang direkt dënimin e autorëve të këtij gjenocidi. Kjo mazhorancë siç duket qartësisht nga ndërvarësia që ka me Vuçiç dhe lidhjet me të, nuk ka guximin të bëjë si gjithë bota demokratike në dënim të gjenocidit. Ndërkaq ne kemi paraqitur edhe një tjetër rezolutë tjetër , për dënimin e gjenocidin serb në Kosovë, e cila ka javë që zvarritet dhe nuk kalon në seancë plenare qoftë për tu diskutuar apo jo. Askush nuk jep përgjigje duke kryer një shkelje të rëndë të rregullores së Kuvendit por edhe duke treguar një mesazh të turpshëm të Parlamentit shqiptar për mos pasjen e forcës dhe guximit të kësaj mazhorance për t’i kundërvënë gjenocidin serb në Kosovë që përgjegjësit të kërkojnë falje.
Kryeministri dhe qeveria nuk guxon të thotë një të vërtetë të madhe historike e cila realisht përfshin dhe godet regjimin e Milloshevicit, pasi vetë Vucic ishte ministër i propagandës së Milloshevicit. Kjo nuk i shërben zhvillimet pozitive në rajon por vendosim të jemi vasal i Vucic dhe asgjë më shumë. Kjo mazhorancë i ka kaluar të gjitha rolet lider Vucic dhe ne jemi bërë zëdhendës të tij. Ballkani i Hapur është anti-europianiste dhe kërkon të bëjë hije mbi nismat evropiane si procesi i Berlinit.
Fati i Shqipërisë nuk duhet të varej nga Maqedonia e Veriut por të varej nga plotësimi i standardeve të saj për tu integruar në procesin e BE ndër të cilat është edhe hapja e negociatave. Shqiupëria nga viti 2013 jo vetëm ka bërë në vend numëro por ka bërë hapa pas duke përkeqësuar gjendjen e saj të brendshme. Shqipëria ka përkeqësuar gjendjen e saj të brendshme dhe politikën e jashtme dhe raportet me BE, tashmë varemi nga Maqedonia e Veriut, jo është fatkeqësi dhe dështim i plotë i qeverisjes e cila qëllimisht ka lidhur Shqipërinë me Maqedoninë për të fshehur dështimet e saj. Maqedonia duhet të pranojnë propozimin francez”, u shpreh Shehu.
