Ish-anëtari i Këshillit Kombëtar të PD-së, Edvin Kulluri i ftuar në Fax News u shpreh se protesta e 7 korrikut ishte me pjesëmarrje të kënaqshme, por nuk ishte më e madhja.
Ai tha se qytetarët dolën në protestë pasi po e ndjejnë krizën ekonomike.
Kulluri nënvizoi faktin që qeveria mban përgjegjësi kryesore për rritjen e çmimeve, ndërsa inceneratorët i cilësoi si aferën më të madhe të 32 viteve të fundit pas firmave piramidale.
“Protesta ishte e mirë, pjesëmarrja ishte e kënaqshme, hyn te protestat e mira që ka organizuar opozita, ka pasur më të mëdha por edhe më të vogla.
Në 2014 ishte protesta më e madhe dhe e para që kemi dalë pas daljes në opozitë. Pastaj sa më shumë zgjasin kur bëhen mujore e humbin intensitetin. Situata ekonomike është e vështirë dhe 9 vite në opozitë janë shumë, kurse qeveria ka një bilanc negativ në raport me premtimet e rilindjes në 2013. Gjithashtu janë edhe skandalet e njëpasnjëshme gjatë qeverisjeve.
Afera e Inceneratorëve është skandali më i madh në 30 vite pas atyre të firmave piramidale. Protesta kishte një difekt të saj kryesor që opozita nuk ka artikuluar një listë të shkurtër kërkesa sepse nuk mund të ketë 49 por të shkurtohen në 3-4 themelore që duhet të përmbushen nga qeveria. Së dyti nëse protesta ishte aksion politik opozitar që e con drejt zgjedhjeve të ardhshme ku opozita kërkon firoren, këtu duhet të diskutojmë sa të mundur e ka kjo opozitë në zgjedhjet e ardhshme.
Vapa është e pallogaritshme duke parë sa janë rritur cmimet dhe është rritur kostoja e jetesës që janë bërë të papërballueshme jo vetëm për shtresën në nevojë por edhe shtresën e mesme. Realisht cmimet janë bërë të papërballueshme.
Roli kryesor që rëndon qytetarët është edhe pandemia që ka nisur dy vite më parë por nuk janë shuar ende plagët. Tregu i lirë në Shqipëri është më shumë se një kujtim sesa realitet. Ushqimi dhe karburantet janë dy problemet kryesore dhe kjo ka bërë që shqiptarët kanë humbur vlerën e parasë. Qytetarët kanë të drejtë të dalin në protestë por edhe të revoltohen. Lufta në Ukrainë ka rritur inflacionin në gjithë botën.
Ka rritje të cmimeve në gjithë botën por qeveria është përgjegjëse. Çmimet e karburanteve vendosen na një bord, tregu i lirë është më mirë për të bërë cmime konkurruese por këtu ndodh e kundërta. Qeveria të luajë një rol të saj të stabilizojë tregun por punon në të kundërtën”, u shpreh Kulluri.
