Erion Veliaj, kryetar i Bashkisë së Tiranës, përmes një reagimi, duket se ka provokuar protestuesit, vetëm pak orë para nisjes së protestës së thirrur nga PD dhe shoqëria civile para godinës së Kryeministrisë.
Me një gjuhë cinike, Veliaj shprehet “shumë mirë që i bëjnë protestat, kur më pyetën ata të Bashkisë, kryetar a ti japim leje Berishës për protestë, po i thashë në sekondë”.
“Ne lejen do ia japim menjëherë, unë mezi i pres protestat e tyre, pasi na duhet që të freskohet kujtesa për të parë se ku kemi qenë. Dhe ku jemi, për të kujtuar që ka qenë ministër shëndetësie Nard Ndoka, apo Fatmir Mediu në vend të Niko Peleshit.
Imagjino për një moment që të ishte pandemia kur ishin ata në qeveri! Tirana ka nevojë që të kujtojë se nga çfarë kemi shpëtuar!”, shprehet Veliaj.
