Kastriot Myftari është personi që humbi jetën sot në kryeqytet pasi u hodh nga pallati.
Në një njoftim zyrtar, policia bëri me dije se ngjarja ndodhi rreth orës 12:55, në lagjen “Ali Demi”.
“Dyshohet se është vetëhedhur nga kati i katërt i banesës ku banonte, shtetasi K. M., 60 vjeç, i cili si pasojë ka ndërruar jetë”, njoftoi policia.
Grupi hetimor ndodhet në vendngjarje dhe po punon për sqarimin e rrethanave të ngjarjes, shtuan të njëjtat burime.
Gazetari Kastriot Myftaraj u lind në vitin 1962 në qytetin e Korçës dhe prej shumë vitesh ishte gazetar, analist dhe publicist.
Ai drejtonte emisionin “Ju flet Moska” dhe tema e fundit që trajtoi para disa javësh titullohej “Plan për atentat ndaj një pronari mediatik“.
Sipas raportimeve mediatike, ai ishte diagnostikuar me kancer një javë më parë dhe ndodhej në gjendje të rënduar psikologjike.