Gazetari Aulon Kalaja i ftuar në emisionin “Me Xhaxhiun” ne Fax News ka folur për frontin e rezistencës dhe protestën që organizon PD-ja më 7 korrik.
Sipas Kalasë, “shpopullimi” i Shqipërisë duhet të jetë kryefjala e kësaj proteste.
“Ndoqa protestën e fundit që ka ndodhru në shesh kundër rritjes së çmimeve. Pashë që qytetarët ishin të traumatizuar nga kjo që po ndodhte por vura re ata që ishin në protestë vinin nga e djathta.
Ata që protestojnë janë opozitarë, parë nga kjo unë pranova ftesën e Sali Berishës për të qenë pjesë e takimit për arsyen që PD duhet të jetë një kompleks të madh me protestat. Ne duhet të flasim për një fjalë të vetme
A ka një axhendë të shpopullimit në Shqipëri apo jo? Një Tiranë të madhe dhe Shqipëri shumë të vogël. Kështu që isha aty për të thënë këtë fjalë për të lidhur një aleancë me PD dhe cdo parti tjetër aleate. Kryetari i opozitës nuk thotë që protestën e organizon PD por e ka marrë në dorë “fronti i shpëtimit”.
Shqiptarët duhet të nisin revanshin për të mbrojtur Shqipërinë të majtë dhe të djathtë. Ne do të mbrojmë atdheun jo me luftë por na duhet një rezistencë, në cdo vend tjetër ikën qeveria dhe jo populli. Ky është një fatalitet i madh që që qytetarët nuk heqin dot qeverinë.
Ndryshimet Kushtetuese duhen rregulluar – “Ne jemi peng i një marrëveshje të 2008 ku fajtor është edhe Sali berisha, pa dyshim. Duhet të nisim nga libri jonë i shenjtë që është Kushtetuta e Republikës së Shqipoërisë e cila është ndryshuar si një paçavure në 2008 në mënyrë të njëanshme nga Edi Rama. Duhet të hapim një debat të gjerë kushtetues, social dhe intelektual. Në Shqipëri është ekzistencial një debat i tillë dhe në rast se ne nuk kemi një debat kushtetues ta harrojmë demokracinë dhe nuk do ta ndalim plagën e shpopullimit”, tha Kalaja
