Në një takim me përfaqësues të shoqërisë civile, ish kryeministri, Sali Berisha folir mbi procesin e integrimit europian të Shqipërisë, duke theksuar se në vitet e fundit ishin bërë vetëm hapa prapa.
Ndërsa tha se Rama dhe Vuçiç po përdornin “Ballkanin e Hapur” si një front lufte ndaj BE-së, duke u udhëhequr nga influenca ruse dhe agjenda serbe.
“Pas 30 vitesh pritshmëri për t’u vendosur aty ku e kanë vendi si komb perëndimor, sot nuk thuhet si 30 vite më parë që nuk jemi as lindje as perëndim por thuhet edhe sot se do ta konsiderojmë iniciativën e Macron nga pozitat e Ballkanit të Hapur.
Paraqitet Ballkani i Hapur si një front lufte. Si alternativë që Serbia të mos shkojë në luftë. Asnjë vend në botë nuk na sulmon ne pa u përballur me NATO nëse nuk sulmojmë ne para. Ne për interesa të Vuçiç duhet të merrnin vendimin dje që të mos shkohej në Bruksel dhe duhet të merrej sot për të shkuar për të përfaqësuar Ballkanin e Hapur. Nuk është luajtur më shumë Ballkanin e Hapur se në këtë periudhë”, tha Berisha.
