Është mbyllur në mënyrë paqësore dita e dytë e protestës e thirrur nga shoqëria civile kundër rritjes së çmimeve.
Protesta me moton “Pilafi s’mban më ujë” nisi fillimisht në orën 18:00 në sheshin “Skënderbej” dhe më pas qytetarët marshuan drejt Bulevardit “Dëshmorët e Kombit” duke u ndalur përballë Kryeministrisë.
Protestuesit ditën e sotme mbanin në dorë bukën një detaj që simbolizon vështirësinë e qytetarëve për ta siguruar mbijetesën ndërsa siç thanë ata: Një pjesë e qeveritarëve darkojnë në restorantet luksoze të Dubait.
Aktivistë të shumtë mbajtën me mikrofon ku kërkuan largimin e kryeministrit të cilët e bënë përgjegjës për varfërinë e shqiptarëve. Nuk dihet nëse protesta e shoqërisë civile do të vazhdojë në ditët në vijim.
