I pyetur nëse BE do të dërgojë avionë për shuarjen e zjarreve gjatë verës në Shqipëri, komisioneri Janez Lenercic u përgjigj se kjo nuk ishte në dorë të mekanizmit të Mbrojtjes së Bashkimit Europian, por në dorë të shteteve anëtare.
Lenercic tha se ishin bërë përgatitjet për një verë të ngjeshur ku ndihma me avionë për shuarjen e zjarreve varej nga solidariteti i shtetve anëtare por shtoi se edhe Shqipëria duhet të kontribuonte.
Komisioneri, Janez Lenercic: Nuk duhet të harrojmë se çfarë e bën këtë mekanizëm të funksionojë kaq mirë. Është solidariteti. Ne nuk kemi avione që të shuajmë zjarret, i kanë shtetet anëtare. Është solidariteti i tyre që e bën të mundur mundësinë për shuarjen e zjarreve. Kështu që sivjet në verë do të jemi gati për një verë tjetër të ngjeshur sepse besojmë se do ketë zjarre. Shpresojmë që edhe shtetet e tjera anëtare do të angazhohen dhe do të vënë në dispozicion mjetet për shuarjen e zjarreve.
