Një skenar si në filma është ngjarja e ndodhur 7 vjet më parë në burgun e Larisës atje ku një shqiptar vrau me thikë bashkëatdhetarin e tij dhe plagosi një tjetër. Krimi në vitin 2015 ndodhi për çështje hakmarrjeje dhe nderi, ndërsa gjykimi për 42 vjeçarin shqiptar, është ndërprerë nga Gjykata greke.
Mediat greke raportojnë se autori i dyshuar i krimit, 42 vjeç nga Shqipëria, vrau bashkëatdhetarin e tij 47-vjeçar me një thikë, në shenjë hakmarrjeje pasi një i afërm i viktimës, i kishte vrarë dajën autorit të dyshuar.
Krimi për të cilin u hakmorr 42 vjeçari kishte ndodhur 20 vjet më parë.
Sipas mediave greke, më 20 mars 2015, në burgun e Larisës, 42-vjeçari për arsye nderi dhe hakmarrjeje goditi me thikë për vdekje një bashkatdhetar 47-vjeçar. Media shkruan se 42-vjeçari pasi vrau 47-vjeçarin, më pas ka plagosur rëndë një tjetër 46-vjeçar, gjithashtu bashkatdhetar.
Në aktakuzë, e cila botohet nga mediat greke, thuhet se 42-vjeçari, kishte vizituar të burgosurin në qeli për kafe, me synim mbledhjen e informacioneve për atë që do të ishte më pas viktima.
Autori zgjodhi vendin e përshtatshme, ku nuk kapej nga kamerat e sigurisë dhe në 20 mars të vitit 2015-të godet me thikë në zemër bashkëatdhetarin e tij dhe një tjetër shqiptar që ndodhej aty dhe ndërhyri për të parandaluar vrasjen.
47-vjeçari humbi ndjenjat nga goditjet e shumta dhe ra në shkallët ndërmjet katit përdhes dhe katit të parë duke krijuar një pellg gjaku teksa u zvarrit duke kërkuar ndihmë, por më kot.
Dhjetë minuta më vonë 42 vjeçari shqiptar goditi me thikë një tjetër bashkatdhetar të tij, një 46-vjeçar, teksa ndodhej në korridorin e qelive të paraburgimit të krahut C.
47 vjeçari është gjetur i mbuluar me gjak nga të burgosurit e tjerë. Gjithashtu po të dënuar të tjerë, gjithashtu shqiptarë kanë transportuar drejt gardianëve bashkatdhetarin e tyre 46-vjeçar, me lëndime në fytyrë dhe në trup.
Të dy u transportuan në spital, por 47 vjeçari nuk mundi t’ia dalë dot ndërsa 46 vjeçari i plagosur, shpëtoi edhe pse i gjendja ishte e rëndë.
Pas ngjarjes shqiptari u kthye në qelinë e tij me njolla gjaku në rrobat dhe duart e tij, ndërsa vijonte të mbante në dorë thikën me të cilën kreu krimin.
