Disa ditë më parë, mediat në Tiranë lajmëruan se kancelari gjerman, Olaf Scholz ka pranuar ftesën e kryeministrit Edi Rama për të vizituar Shqipërinë.
Sipas tyre, Scholz do e vizitonte Shqipërinë gjatë turneut që do zhvillonte në rajon. Por ajo që dihet është se Scholz nuk do e vizitojë Tiranën.
Ai do të ndalojë në Beograd dhe në Prishtinë, për të vijuar edhe në Greqi, Maqedoninë e Veriut dhe në Bullgari.
Sipas medieve gjermane, Scholz pritet të mbërrijë në rajon si një menaxher krizash.
Qëllimi kryesor do jetë zgjidhja e krizës mes Maqedonisë së Veriut dhe Bullgarisë, që ka bllokuar hapjen e negociatave.
Ai vjen në Bullgari në kohën kur qeveria ka rënë, ndërsa nuk dihet se çfarë qëndrimi do vazhdojë të mbajë ky vend ndaj Maqedonisë së Veriut.
