Ajo që është përfolur kohët e fundit në Britani, duke pasur parasysh presionin e madh mbi Boris Johnson pas skandalit “partygate”, mori formë të hënën në mëngjes: Komisioni i vitit 1922 njoftoi se kryeministri britanik do të përballej me një mocion censure, pasi një numër i deputetëve konservatorë vunë në dyshim kompetencat e tij.
Për momentin, situata nuk duket e mirë për Johnson-in. Politikanë të shumtë deklaruan se partia e tij kishte zhgënjyer qytetarët dhe se Boris ka shkelur çdo kod ligjor, duke kërkuar kështu medoemos dorëheqjen e tij.
Gati 30 ligjvënës konservatorë i kanë kërkuar publikisht kryeministrit të japë dorëheqjen e nëse Johnson humbet votëbesimin në parlament, ai nuk do të heqë dorë nga posti dhe do zhvillohet një garë për të vendosur një lider të ri.
Përndryshe nëse Johnson i shpëton votës së censurës, ai nuk do të kërcënohet me një propozim të ri për një vit, sipas rregullores dhe ndoshta deri në zgjedhjet e ardhshme parlamentare të planifikuara për në vitin 2024.
Ja si zhvillohet procesi
Një mocion censure kundër kryeministrit bëhet nëse kërkohet nga 15% e anëtarëve të grupit parlamentar konservator në Dhomën e Komunave – pra 54 nga 389 deputetë.
Për të filluar një procedurë censure, një letër duhet t’i dorëzohet anëtarit që kryeson Komitetin e vitit 1922, i cili përbëhet nga anëtarë pa portofol.
Kryetari i Komitetit të vitit 1922, Graham Brady, konfirmoi përfundimisht sot se ka marrë numrin e letrave të nevojshme për të nisur një mocion censurimi. Deputetët konservatorë vendosin për fatin e kryeministrit me votim të fshehtë në një dhomë parlamenti dhe rezultati shpallet menjëherë.
Nëse Boris Johnson fiton 50% plus një vote, pushteti i tij nuk mund të sfidohet për një vit. Nëse humbet, fillon gara për ta zëvendësuar.