Nga Boldnews.al
Prokuroria Speciale kërkoi shtrëngimin e prangave në duart e zëvendëskryeministres dhe Ministres së Infrastrukturës Belinda Balluku, por prej më shumë se një muaji që nga nisja e kërkesës për autorizim nga Parlamenti për arrestimin e saj, ka lidhur veten, duke kuptuar pafuqinë para supërmacisë qeveritare, por edhe vetë personazhit Balluku. Ajo i ka vendosur të gjithë në rresht.
Kuvendi ka marrë urdhër nga Rama që të mos shqyrtojnë kërkesën për arrestimin e Ballukut, pa u shprehur më parë Gjykata Kushtetuese. Ndonëse dy çështje të ndryshme, urdhri i Ramës shihet nga Rilindasit e pushtetshëm më i rëndësishëm se çdo ligje moral, duke e kthyer spikerin e Parlamentit Niko Peleshi në personazhin më qesharak, të cilën edhe ai vetë e kupton, por ka zgjedhur të jetë i tillë.
Nëse politika do mbrojë veten me paligjshmëri e shkelmim morali, pritej që sistemi i drejtësisë të vinte në peshore kushtetutën dhe ligjin dhe jo ta kthente atë “objekt të shenjtë” në kandar për qeverisjen, ko*en e së cilës e kontrollon kryeqeveritari.
Gjykata Kushtetuese vetëdegradohet publikisht çdo ditë duke mos qenë në gjendje që të marrë një vendim, pro ose kundër kërkesës së kryeministrit nëse do të shpallë antikushtetues vendimin e GJKKO-së për pezullimin nga detyra të Ministres Balluku. Me një këmbë nga qeveria dhe një tjetër të hapur sa nga përfaqësitë diplomatike, aq edhe në “bodrumet” e krimit të organizuar, kushtetuesja është vetëofruar të përçudnohet nga kushdo që sheh dikë me gjymtyrët e poshtme hapur.
Nuk janë në gjendje të marrin vendim. Pavarësisht nivelit katastrofik profesional, në një situatë të tillë ku u vihet për intepretim një nen në kushtetutë dhe një nen në Kodin e Procedurës Penale, kërkojnë kohë për tu menduar, pa e kuptuar se kanë dy muaj që më shumë se të mendojnë për ligjin hapin sytë nga do anojë forca.
Secili nga anëtarët e Gjykatës Kushtetuese tashmë janë thirrur për të “larë llogaritë” e mëparshme, pasi manteli në shpinën e tyre si elita e gjyqësorit u është vënë nga më të pushtetshmit, që sot kanë nevojë pikërisht për “kllounët e tyre” që i katapultuan në majën e asaj që njihet si reforma e re e drejtësisë. Vetë emri që kanë përpara rëndon, por nga ana tjetër peshon edhe koha dhe disa “faktorë të paparashikuar” që u kërkojnë të shprehen pa frikë dhe në zbatim të ligjit dhe moralit. Po a mund të korkohet moral në një vend ku nuk ka diçka të tillë?
Deputetët e mazhorancës kanë vite që se njohin mendimin ndryshe personal, pasi fikja e trurit u ndodh që në momentin kur me marifetet që vetëm ata i dinë dhe përdorin shtrëngojnë në duar mandatin e deputetit, por nga Gjykata Kushtetuese pritet vendimi që do merret më zë e duar të dridhura, sido që ai të jetë! Deri më tani Balluku i ka vendosur të gjithë në rresht disa qenie njerëzore që në letra janë për të mënduar dhe vendosur, por në realitet u përngjanë manekinëve në duart e më të fortëve.
