“Presidenti i ri i votuar në Kuvend nuk është përfaqësues i Partisë Socialiste, por një profesionist që është rritur në karrierë falë aftësive jo teserës së partisë”, tha në emisionin Now në Euronews Albania deputetja socialiste Anila Denaj.
Sipas saj, PS e ka treguar 2 herë se ka provuar dhe votuar president që vinin nga PD, ndërkohë që kishte të gjithë të drejtën për të zgjedhur një kandidat politik.
“Shmangia e një kandidati me kontribut në PS u bë pikërisht për të shmangur komentet se PS kërkon të marrë të gjitha pushtet.
Ai nuk është përfaqësues politikë i PS dhe është e pamundur të thuhet ‘e bëri pis procesin’ për një person që ka ardhur deri këtu me profesionalizëm dhe jo me teserën e partisë”, u shpreh deputetja e PS.
