5000 firma janë mbledhur nga studentët në një peticion drejtuar qeverisë, ku i kërkojnë 10.000 lekë për 2 muajt e ardhshëm.
Lajmin e konfirmon Lëvizja për Universitetin, që bën me dije se 5000 studentë kanë nënshkruar peticionin ku i kërkohet qeverisë t’i njohë si subjekt social të krizës ekonomike, duke i dëmshpërblyer me 10.000 lekë të reja për dy muajt e ardhshëm.
Bëhet me dije se peticoni do rë dorëzohet në kryeministri ditën e nesërme.
“Karta e Studentit është dështim total, kurse studentët shqiptarë që nga pandemia e këtej janë të rinjtë më të braktisur në rajon dhe Europë nga qeveria e tyre. Prandaj të enjten, në orën 12:00 dorëzojmë 5000 nënshkrimet te Kryeministria. Kush ka kohë dhe dëshirë, të na bashkohet”, thuhet në njoftim.
