Deputeti socialist Petro Koçi tha në studion e Faxnews se personalisht nuk ka propozuar asnjë emër për postin e Presidentit, por sipas tij, kjo nuk do të thotë se ai nuk do të votojë pro emrit që do të vendosë Kryesia e PS.
Koçi tha se shpresohej se në 3 raundet e para të votimit, që u konsumuan pa një kandidat, opozita të tregohej serioze dhe të paraqiste një kandidat të mbështetur me firma, sikundër e përcakton Kushtetuta.
Deputeti socialist tha se nuk besonte se mazhoranca do të pranonte një bashkëpunim me Sali Berishën, jo vetëm në rastin e Presidentit, por edhe në çështjet e tjera.
“Do të bashkëpunojmë me atë pjesë të opozitës, e cila nuk përfaqëson non grata-n. Në 1998 Berosha ishte shpallur non grata nga Trojka, por në atë kohë u bë një gabim sepse u ndërmorr një takim, pa pyetur Komitetin Drejtues të PS, që riaktivizoi Berishën në politikë. Ky gabim nuk do të përsëritet më”, tha Koçi.
