Partia Demokratike përmes një njoftimi zyrtar ka sqaruar raportet me PPE-në dhe atë që pse nuk ka një delegacion zyrtar nga partia më e madhe e opozitës me të drejtë vote në Kongresin e Partive Popullore Europiane.
“PPE ka mbajtur dhe vazhdon të mbajë qendrim tërësisht neutral në lidhje me zhvillimet e brendëshme në PD.
Për këtë qëllim, në fund të marsit 2022, PPE vendosi të mos ftojë në Kongresin e saj delegacion zyrtar nga PD, deri sa të ketë një zgjidhje përfundimtare të çështjes të përfaqësimit zyrtar të PD-së.
Megjithatë për t’i dhënë zë përfaqësuesve të PD-së, në Kongresin e PPE-së në Rotermdam janë ftuar dhe po marin pjesë si delegatë të forumeve europiane 3 deputetë të PD-së:
1. Albana Vokshi, delegate nga Forumi i Gruas i PPE -së
2. Belind Këllici, delegat nga forumi rinor EDS
3. Jorida Tabaku, delegate nga Asambleja Parlamentare e Këshillit të Europës”, thuhet në njoftimin zyrtar.
Në Kongresin e PPE-së që zhvillon punimet në Roterdam në datat 31 maj-1 qershor, PD nuk ka të drejtë vote, kjo sipas informacionit zyrtar të publikuar nga PPE në faqen e saj zyrtare, lidhur me punimet e Kongresit.
