Gjatë interpelancës me ministrin e Mbrojtjes Niko Peleshi, Deputeti i Partisë Demokratike Ferdinant Xhaferraj, numëroi nga Foltorja ato që ai i cilësoi si grabitjet e pronave të forcave të Armatosura në Republikën e Shqipërisë.
Në fjalën e tij Xhaferraj theksoi se grabitja që u është bërë bazave ajrore dhe detare në vend, ka dëmtuar sigurinë kombëtare për shkak të dëmtimit të kapaciteteve operacionale të ushtrisë.
Xhaferraj u ndal te dhënia për investitorët strategjikë e bazës detare në Sarandë me çmim simbolik 1 euro, në shkelje të ligjit, pasi sipas tij nuk disponon as miratimin e Presidentit as studimin e Shtabit të Përgjithshëm.
“Rreth 67% e sipërfaqes së bazave është nxjerrë nga plani i përhapjes pa miratimin e Presidentit. Më mirë se dikush tjetër. Lidhur me bazën në Sarandë, u dha për investim strategjik me çmimin 1 euro, një sipërfae prej 26.5 hektarë, duke përfshirë dhe bazën detare prej 4 hektarësh.
Kjo bazë ekziston aty që prej vitit 1974 dhe është në planin e përhapjes me vendimin e presidentit në vitin 2014. Dhënia e bazës është bërë në shkelje të ligjit pasi nuk ka as studim nga Shtabi i Përgjithshëm, as miratim nga Presidenti i Republikës.
Pra ligji parashikon autoritet kolegjial në ligjin e vendosjes dhe përhapjes dhe kjo nuk është bërë. Kanë kalua dy vite dhe ushtarakët aty nuk pranojnë ta japin. E gjitha kjo ka ndodhur pasi ne nuk kemi shtet, por kemi një çetë pasi ka grabitur gjithçka i është vërsulur dhe bazave ushtarake”, tha Xhaferraj
Gjithashtu Xhaferraj u ndal dhe te shkeljet në bazën detare të Shëngjinit dhe bazën ajrore të Kuçovës.
“Në Kuçovë një sipërfaqe me 42 mijë e 9 metër katrorë është dhënë me qera 1 euro për 20 vjet. Ndërsa një sipërfaqe që ministri nuk e përmendi një sipërfaqe me 6285 metër katror me 570 metra katrorë është shitur e gjitha me 6.5 milionë lekë. Kjo është kontrata që e kanë shitur, pasi nuk e përmendi fare ministri.
Lidhur me bazën e Shëngjinit në brendësi të bazës është lejuar me urdhër verbal, ndërtimi i një godine 4 katësh një privati që kishte marrë hipotekë dhe kishte miratuar plan zhvillimi.
Persona në hirearkinë e Forcave Detare kanë lejuar jashtë kompetencave të tyre dhe në shkelje të ligjit, njohjen e pronës dhe ndërtimin e objektit ndërsa prona vijonte
Ju si ministër keni ndaluar punimet në 6 mars të vitit 2021 dhe që në atë kohë nuk më punime”, tha Xhaferraj.
