Gjykata e Lartë, me kërkesë të Zëvendëskryetarit Sokol Sadushi, u anëtarësua me statusin e anëtarit të asociuar, në Shoqatën e Këshillave të Shtetit dhe Juridiksioneve të Larta Administrative të Bashkimit Evropian (ACA Europe).
Punimet e Asamblesë së Përgjithshme të këtij organizmi me fokus gjykimin administrativ, u zhvilluan në datat 23-24 maj, ku në to mori pjesë edhe Zëvendëkryetari i Gjykatës së Lartë Sokol Sadushi, i ftuar nga Presidenti i Këshillit të Shtetit të Republikës së Italisë, njëherazi dhe Presidenti i ACA Europe, Franco Frattini.
Frattini priti gjithashtu në një takim të posaçëm Sadushin, me të cilin shkëmbeu mendime mbi ecurinë e Shqipërisë drejt integrimit sa më të afërt dhe të plotë të Shqipërisë në BE, një nga kushtet e së cilës është edhe garantimi i një sistemi gjyqësor efektiv dhe profesional.
Zëvendëskryetari Sadushi përshëndeti Mbledhjen e Përgjithshme të ACA-Europe, si dhe shprehu mirënjohje dhe vlerësim për pranimin e Gjykatës së Lartë të Shqipërisë ne rrethin e ACA-Europe.
