Apeli i GJKKO ka konfisikuar 3.4 milionë euro të gjetura brenda në makinën Toyota Yaris në Portin e Durrësit.
Kërkesa për konfiskimin e këtyre parave është bërë nga SPAK.
Pas përfundimit të hetimeve, ka dyshime se shuma e miliona eurove të konfiskuara vinin nga aktiviteti kriminal.
Shuma e konfiskuar do t’i kalojë arkës së buxhetit të shtetit shqiptar.
Njoftimi i plotë:
Komunikohet në mënyrë të përmbledhur se, sot më datë 24.05.2022, në Gjykatën e Posaçme të Apelit për Korrupsionin dhe Krimin e Organizuar, u shpall vendimi lidhur meçështjen me nr. 51 akti, datë 28.02.2022 regjistrimi,mbi ankimin eshtetasve A.D., E.V., A.M., A.V.,lidhur me “Vendimin nr. 21, datë 22.10.2021të Gjykatës së Posaçme të Shkallës së Parë për Korrupsionin dhe Krimin e Organizuar që ka disponuar mbi konfiskimin e disa pasurive”,ku trupi gjykues i Gjykatës së Posaçme të Apelit për Korrupsionin dhe Krimin e Organizuar, i përbërë nga gjyqtarët SaidaDollani, Dhimitër Lara dhe Daniela Shirka vendosi:
-Lënien në fuqi të vendimit nr. 21, datë 22.10.2021 të Gjykatës së Posaçme të Shkallës së Parë për Korrupsionin dhe Krimin e Organizuar përsa është ankimuar nga ankuesi A.M.
– Mospranimin e ankimit të paraqitur në emër të E.V., nga P.V. dhe av. Erida Lazimi si dhe ne emër të A.V., nga N.V. dhe av. Erida Lazimi ndaj vendimit nr. 21, datë 22.10.2021 të Gjykatës së Posaçme të Shkallës së Parë për Korrupsionin dhe Krimin e Organizuar.
– Mospranimin e ankimit të paraqitur nga ankuesja A.D., ndaj vendimit nr. 21, datë 22.10.2021 të Gjykatës së Posaçme të Shkallës së Parë për Korrupsionin dhe Krimin e Organizuar.
