Deputeti i PD, Edi Paloka, ka reaguar përmes një postimi në rrjetet sociale lidhur me dy ngjarjet e rënda që kanë ndodhur mbrëmjen e së hënës në Tiranë, ku një efektiv policie u ekzekutua nga kolegu i tij brenda komisariatit nr 3 në Tiranë, ndërsa një efektiv i FNSH qëlloi mbi një 60 vjeçar.
“Brenda pak minutash dy ngjarje të rënda me protagonistë kriminelë me uniformë.
Tipike në komisariat ku “patronazhisti” prej vetëm një viti në punë, qëllon mbi profesionistin.
Ndërkohe krimineli tjetër me uniformën e FNSH, qëllon i dehur mbi qytetarin.
Kjo është policia e Ramës, bëmat e së cilës nuk kanë të mbaruar me vrasjet në rrugë dhe në komisariate të qytetarëve.
Kështu ndodh kur profesionistët zëvendësohen me militantë banditë!”, shkruan Paloka.
