Prokuroria e Milanos ka mbyllur dosjen hetimore në lidhje me një grup hajdutësh, kryesisht shqiptarë, në rajonin e Lombardisë duke i çuar ata në gjyq.
La Repubblica shkruan se grupi përbëhej nga disa shqiptarë dhe marokenë që kryenin grabitje në shtëpi, biznese si edhe lokale nate në zonat më të shtrenjta të kryeqytetit të Italisë.
Djemtë njiheshin me emrin e tyre të artit si “Baby Gang”. Ata mbanin emrat Samy Free dhe Neima Ezza.
Teksa u ndaluan nga policia për kontroll, ata janë përplasur fizikisht me agjentët duke çuar në arrestimin e tyre, ndërkohë që gjatë marrjes në pyetje u zbulua edhe aktiviteti i tyre i paligjshëm.
Prokuroria thekson në dosje se në lidhje me aktivitetin e grupit në fjalë ka prova për të paktën tre raste të vjedhjes në muajin maj 2021 si edhe një tjetër në korrik 2021 në brendësi të Milanos.
