Ish-Kryeministri Sali Berisha, gjatë takimit me demokratët në Fier, akuzoi Kryeministrin Edi Rama po me qeverinë e tij varfëroi shqiptarët, për ti marrë edhe dinjitetin, pasi i varfëri e ka të vështirë të mbrojë dinjitetin e tij.
Berisha tha se Rama po zbaton platformën anti-shqiptare të Çubrilloviçit, duke i varfëruar dhe detyruar të ikin nga vendi.
“Enver Hoxha arrestonte shqiptarët për politikë, Edi Rama i arrestoi 38 mijë qytetarë se s´paguanin faturat e dritave. Ky po varfëron shqiptarët nga dita në ditë, shikoni rritjen e çmimeve, ndërkohë që pagat e pensionet as nuk indeksohen me nivelin e inflacionit”, tha Berisha.
Ai kërkoi nga shqiptarët që të reagojnë për të ndalur rrokullisjen e jashtëzakonshme. “Po grabiten potencialet e Shqipërisë”, tha Berisha, duke shtuar se aplikoi politikën e çpopullimit të vendit.
“Kryeministri i Shqipërisë në Bruksel se në qoftë se nuk do na hapni negociatat deri në qershor ne do të ndryshojmë drejtimin e vendit.
Një pjesë e gjeneratës që është këtu e mban mend se si Ramiz Aliaj në 1990 thoshte se Shqipëria nuk është as lindje as perëndim. Enver Hoxha na çonte nga donte vetë. Thoshte në aleacën me kinezët, era e lindjes dominon me perëndimin. Gjatë perandorisë osmane, perandori bënte gjithçka që të mos quheshin shqiptarë, mos e ngatërroni çështjen arnaut, por komb nuk na njihnin. Përkundrazi na quanin otomanët e Europës dhe gjuha shqipe ishte e vetmja gjuhë e dënuar për të mos u mësuar në shkollat osmane.
Bëhej një betejë kundër identitetit tonë ashtu sikur edhe Enver Hoxha Ramiz Aliaj bënë një betejë ashtu si i interesonte interesi politik i tyre dhe tani na del Edi Rama. Ku do shkojmë ne more zotëri i cili do të rishikosh drejtimin tonë, drejt Beogradit apo Stambolit. Jo mor zotëri, ne yll polar do të kemi Bashkimin Europian.
Shikoni në ç’kërcënim është interesi ynë kombëtar”, tha Berisha.
