Nuk ka fund tmerri i luftës në Ukrainë me pamjet që dalin në dritë, ku sipas një videoje që po qarkullon në internet, janë gjetur trupa, të cilët sipas agjencisë së lajmeve AP i përkasin ushtarëve rusë, të shtrirë në tokë që formojnë shkronjën “Z”.
Sipas Protothemës, imazhet vijnë nga një fshat afër Kharkiv, dhe sipas agjencisë së lajmeve trupat e burrave të panjohur, që besohet të jenë ushtarë rusë, të pozicionuar për të formuar shkronjën Z, një simbol i pushtimit rus, u gjetën pranë një fshati të rimarrë së fundmi nga forcat ukrainase.
Rrethinat e Kharkovit japin përshtypjen e një morgu në ajër të hapur, ku të vdekurit qëndrojnë në mbeturina për javë të tëra, ndërsa forcat ukrainase dhe ruse luftojnë për kontroll të këtyre zonave.
Shkronja Z është bërë një simbol i pushtimit rus. Analistët dhe ekspertët ushtarakë vunë re fillimisht shkronjën Z të pikturuar me dorë në tanket dhe kamionët ushtarakë rusë të mbledhur në kufirin ukrainas më 19 shkurt.
Që atëherë ajo është përdorur gjerësisht nga Rusia dhe madje është përdorur dhe nga atletët rusë.
