Kryeministri Edi Rama deklaroi këtë të Enjte se do të miratohet një Akt Normativ që parashikon ngritjen e një bordi të ngjashëm me atë që cakton çmimin e karburanteve, edhe për ushqimet bazë.
“Ajo që më shqetëson është se shumica ja hedh fajin pakicës dhe pakica-shumicës. Do futemi dhe ne në këtë mes dhe do krijojmë një bord për ushqimet bazë të shportës. Dhe ky bord i përbashkët do të përbëhet nga përfaqësues të qeverisë dhe tuajt të shumicës dhe të pakicës dhe çmimet e ushqimeve bazë do vendosen aty dhe askush s’do tolerohet të vendosen çmime ndryshe. Kush e bën do humbasë prodhimin, do ja konfiskojmë me ligj. Do bëjmë akt normativ”, tha Rama këtë të Enjte në një takim me përfaqësues të furnizuesve të ushqimeve bazë me shumicë dhe shitjes me pakicë.
“S’është qëllimi të vendosim çmime arbitrare, por si vendosim dot ne çmimet sipas dëshirës. Do hyjmë aty që bashkë me ju të bëjmë transparencën e çmimit, ku e ke marrë, sa e ke marrë, sa do shitet. S’jam unë me teorinë që e ke marrë para tre muaj me një çmim do e shesësh ai atëherë, se me ça do i merrni ju furnizimet e reja, kjo është histori për gjyqet partizane që s’funksionon. Marzhi i fitimit do ngrijë në një pikë që të lejojë vijimin e zinxhirit, por jo që të dilni me fitim, se i bie të vuajë një popullsi e tërë. Mbi vuajtjen e njerëzve s’mund të përfitojë askush, por askush s’mund të kërkojë që ju të humbnisi”, shtoi ai.
Rama u shpreh se “janë disa produkte bazë të shportës dhe këtu produkti më domethënës për sa po flasim është vaji që kane kërcyer në çmim jo pa arsye, por ku ne besojmë se ka hapësirë të mjaftueshme për të manovruar me një ulje të çmimit për to…”
Kryeministri tha se “janë disa produkte bazë të shportës dhe këtu produkti më domethënës për sa po flasim është vaji që kanë kërcyer në çmim jo pa arsye, por ku ne besojmë se ka hapësirë të mjaftueshme për të manovruar me një ulje të çmimit për to”.
“E di edhe çështjen e furnizimit, e di që është problem kudo jo vetëm në Shqipëri, se unë kam bërë komunikimet e mia për të ndihmuar hapjen e rrugëve të reja të furnizimit dhe kur vendet e mëdha e kanë problem në afat të mesëm të sigurojnë shifrat e nevojshme për konsum, s’ka si të jetë ndryshe këtu. Por vend për të ndërhyrë ka dhe ka jo pak në këtë moment. Unë besoj se kanë të drejtë ekspertët tanë të cilët mendojnë se ky momenti i parë alarmi që u krijua ishte i paevitueshëm, por tani s’mund të vijohet sikur asgjë s’ka ndodhur, s’mund të behet asnjë lloj eksperimenti fitimprurës këtu ‘se këta po vijojnë të blejnë’. Konsumi nuk ka rënë, kjo është shumë domethënëse. Ju s’mund të vazhdoni me këto çmime”, shtoi ai.
