Janë sekuestruar mbi 44 kg marijuanë në Greqi dhe është arrestuar një shqiptar dhe dy maqedonas.
Operacioni është ndërmarrë nga DEA amerikane me seli në Athinë, në bashkëpunim me Policinë e Kilkisit.
Në kufirin Maqedoni e Veriut-Greqi janë sekuestruar, duke u futur brenda territorit grek, dy çanta që përmbanin 40 pako me 44 kg e 122 gram marijuanë.
Për ngarkesën e drogës u arrestuan dy shtetas nga Maqedonia e Veriut, 41 dhe 45 vjeç.
Operacioni vijoi në Selanik, ku u arrestua shqiptari 40 vjeç, i cili priste lëndën narkotike.
Atij iu sekuestruan edhe 2 400 euro, që do i paguante për transportin e drogës deri në Selanik.