Drejtuesja e Komisionit Hetimor për inceneratorët paralajmëroi padi në SPAK ndaj kryebashkiakut të Tiranës, Erion Veliaj lidhur me çështjen.
Në një deklaratë këtë të Hënë nga selia blu, Jorida Tabaku u shpreh se Veliaj “u kap në dëshmi të rreme” para komisionit hetimor dhe se kallëzimi i sotëm po depozitohet nga PD.
“Komisioni i Inceneratorëve ka vërtetuar atë që PD ka thënë që në krye të herës gjatë kësaj kohe, qeveria Rama i vodhi shqiptarëve 430 mln euro. Unë jam këtu për t’ju informuar që sot menjëherë pas kësaj konference PD do të dorëzojë fakte shtesë në organin e akuzës, në SPAK për sa i përket Erioni Veliaj. Do të fillojmë sot me Erion Veliaj i cili ishte personi qe gjatë dëshmisë së tij në komisionit hetimor u kap në dëshmi të rreme”, u shpreh Tabaku.
“Cilat janë faktet e reja?! Z.Erion Veliaj ka qenë i informuar në projektin e inceneratorit të Tiranës që në Datë 28.06.2016 ku në p[përgjigje të kërkesës së koapmnsië që fiton kocneisonin ai informohet për një studim ku pjesa takuese e Bashkisë Tiranë, në kosto është 91 mln euro. Në 5 shtator të 2016 ngrihet komisioni për dhënien me koncesion të inceenratorti të Tiranës, ku Bashkia e Tiranës ka dy përfaqësues të saj, z. Taulant Tusha dhe z.Namik Simixhi. Në kundërshtim me ligjin për pushtetin vendor, Erion Veliaj kthen një përgjigje që unë e kam këtu, në emër të Bashkisë Tiranë, me kostot e buxhetit 91 mln euro. Por njëkohësisht ne emër të Qarkut Tiranë, pa dërguar kërkesën e ministrisë së Mjedisit dhe projektin në Këshilit Bashkiak Tranë. Pra ka miratuar një projekt në kostot e buxhetit të bashkisë Tiranë 91 mln euro pa mbledhur Këshillin Bashkiak”, tha ajo.
“Problemi në lidhje me dëmin financiar që paguajnë sot qytetarët shqiptarë është jashtëzakonisht i rëndësishëm sepse qytetari Erion Veliaj ne vetëdije te plote, ne kundërshtim me ligjin ‘Për menaxhimin e sistemit buxhetor’ merr përsipër nje angazhim financiar, merr përsipër detyrime financiare te Qarkut Tirane per t’ia paguar koncensionarit. Veliaj zotohet qe do te paguaje jo vetëm pjesën e bashkisë Tirane, 91.8 mn euro pa pyetur Keshillin Bashkiak. Por njëkohësisht ne rast se bashkitë e tjera dështojnë per te zbatuar detyrimet e tyre, Erion Veliaj sipas Nenit 9, pikës 4 e kësaj kontrate koncensionare qe unë e kam këtu, merr përsipër te paguaje detyrimet edhe te bashkive te tjera te qarkut Tirane, pa e pasur autoritetin, përgjegjësinë por edhe njëkohësisht pa pasur funksionet e kryetarit te qarkut. Kjo është nje shkelje e dyfishte pasi jo vetëm qe ka marre angazhimin per bashkinë Tirane pa thërritur Keshillin Bashkiak, por njëkohësisht eshët angazhuar edhe per bashkitë e tjera te qarkut Tirane”, u shpreh deputetja.
Jorida Tabaku shtoi se në ditët në vijim do ketë një zyrtar që do jetë pjesë e padisë së Partisë Demokratike.
