Kryebashkiaku i Tiranës Erion Veliaj po ndërhyn në zgjedhjet e Shoqatës rajonale të futbollit Tirana, të cilat janë planifikuar që të mbahen sot, dhe iu paraprijnë zgjedhjeve për kreun e FSHF-së në datën 2 Mars.
Në një audio të publikuar nga FSHF, të takimit informal që Veliaj ka mbajtur dje në një hotel në kryeqytet me disa prej anëtarëve të kësaj shoqate dhe anëtrë të komunitetit të futbollit, kryebashkiaku i Tiranës flet me një gjuhë rruge dhe shantazhon trajnerët dhe mësuesit e edukimit fizik se si të votojnë gjatë ditës së sotme.
Ai i kërkon anëtarëve të shoqatës të votojnë për kryetarin e ri të shoqatës Eduard Prodanin, kandidatin e mbështetur nga Erion Veliaj.
https://www.youtube.com/watch?v=emUUCQVgh2Q&feature=youtu.be
”Si mund ti presi ropi koqet, si mund të sillesh si rrotë k*ri duke qenë çun futbolli gjithë jetës”, dëgjohet të thotë Veliaj, ndërsa shton se, “ne s’jemi kur*a, ne i kemi b*let prej hekuri’”.
Veliaj dëgjohet duke thënë se futbolli është i vetmi ishull që iu ka mbetur pa pushtuar.
Veliaj kërcënon duke përmendur dhe prokurori e SPAK.
“Ata mendonin se ishin të paprekshëm, se nuk kishte FBI, DEA, që smerrej njeri me shitje ndeshjesh, me borxhet, por tani janë të gjitha këtu. Do të jetë mësim për këdo. Do të jetë mësim për këdo tjetër. Ligji edhe për lali Erin thotë, çdo letër higjenike me faturë. Ca është ky ishull që nuk e prek njeri me dorë. San Marino në mes të Shqipërisë. Çdo tjetër, po nuk na shërbeve dhe po nuk na u përgjigje, atëherë do të ikësh dhe ti. Ky është parimi. Jo UEFA e FIFA të zbresë, por edhe sikur Zoti dhe Muhamedi të zbresin nuk e ndalin dot luftën time. Unë do të bëj çdo gjë për t’ia nxirë jetën këtyre me prokurori e SPAK. Edhe ne të duam të tërhiqemi nuk tërhiqemi dot se prokuroria është vënë në lëvizje”, është shprehur kryebashkiaku i Tiranës, Erion Veliaj.
Lexo edhe:
Audio-përgjimi/ Veliaj: U qëndroj një për një atyre që kam thënë
