Çomo: Infektivi i mbushur me të rinj, Covid shkaktoi lindje të parakohshme te gratë shtatzëna

Shumica e të shtruarve në spitale për shkak të COVID janë mosha të reja, të pavaksinuar dhe pa sëmundje shoqëruese, tha shefja e spitali Infektivit Najada Çomo gjatë konferencës për mediat me Komitetin Teknik të Ekspertëve.

Në Infektiv janë 130 pacientë të shtruar, 12% në formë kritike, 54% në formë të rëndë, pjesa tjetër në formë të mesme të rëndë. Për t’u theksuar është se janë mosha të reja në spital, të gjithë të pavaksinuar. Për t’u vlerësuar në sensin e popullatës është që moshat e reja sot janë dhe ata që nuk kanë sëmundje kronike”, tha Çomo.

Një tjetër shqetësim që shprehu shefja e Infektivit lidhet me shtrimet në spitale të grave shtatzënë që janë të prekura me COVID. Ndërsa theksoi se ecuria e grave shtatzëna në spitale ka qenë e mirë, Çomo tha se COVID u ka shkaktuar lindje të parakohshme.

LEXO EDHE  U tërhoq zvarrë nga policia, flet nënë Liza: Kam fjetur jashtë, s’kam ku të shkoj

“Gratë gravide, një pjesë e të cilave janë në spitale, kanë ecur mirë si ecuri shëndetësore, por të gjitha të shtruarat kanë bërë lindje të parakohshme për shkak të gravitetit të COVID. Në grup mbizotërojnë personat e pavaksinuar por ka dhe një % të ulët më pak se 3 ose 4 % që janë të vaksinuar me dozën e parë dhe të dytë që janë të shtruar”, shtoi Çomo.