Modelja braziliane tregon se është droguar dhe përdhunuar, zbulon detaje nga ngjarja e rëndë

Foto: Instagram

Modelja braziliane Duda Martins ka treguar së fundmi detajet e një takimi të tmerrshëm të njohjeve të reja, duke thënë se ishte droguar me substanca të hedhura në pijen e saj dhe ishte zgjuar një apartamentin e një burri 12 orë më vonë.

Influencuesja e stërvitjes online thotë se pasi kishte humbur ndjenjat ishte përdhunuar, dhe se kur u zgjua 12 orë më vonë nuk dinte asgjë për atë që kishte ndodhur.

The Sun shkruan se Duda kishte pranuar të takohej me një djalë në një bar pranë plazhit në Ponta Verde, Brazil, mbrëmjen e 29 dhjetorit dhe se mbante mend vetëm se kishte pirë tre gota xhin me të. Ajo thotë se pas takimit kishte planifikuar një sesion stërvitor me një shoqe rrreth orës 17.00

LEXO EDHE  Kush janë tre banorët VIP që rrezikojnë të eliminohen të premten nga shtëpia e "Big Brother"

“Kur ishte ora rreth 3.30 apo 4 e mëngjesit u zgjova dhe nuk e dija si kisha ardhur apo çfarë më kishte ndodhur që kisha përfunduar në shtëpinë e tij. Kisha vetëm një ndjesi që isha e lënduar, por doktorët bënë foto dhe kisha gërvishtje në gjoks, gunga në kokë, dhe pjesët e mia private ishin lënduar. Kështu që jo vetëm më kishin droguar por isha e lënduar gjithkund. Isha në divanin e tij, nuk kisha as të mbathura veshur”- tregon modelja.

Avokatja e saj Julia Nunes, tha se “asgjë nuk është bërë për” të kapur përgjegjësin e ngjarjes.

Zyrtarja e policisë Maria Angelita tha dje se kanë nisur hetimet për pretendimet.