Presidenti turk Rexhep Tajip Erdogan viziton Shqipërinë më 17 janar, ditën e vdekjes së Skënderbeut. Nuk dihet nëse data e cakktuar për vizitën e Erdogan në Shqipëri është një rastësi apo jo, por tashmë ardhja e Presidentit turk është zyrtare.
Gazetari shqiptar, i cili ndodhet në Turqi, Abdylvehap Ejupi, konfirmoi për MCN vizitën e presidentit turk në Shqipëri më datë 17 janar. Ejupi tha se sipas tij temë diskutimi mes dy liderëve, Erdogan dhe Rama, do të jetë dhe vaksina turke e miratuar disa ditë më parë.
“Po, Erdogan do të jetë në Shqipëri më 17 janar. Çdo herë problemi i FETO është e vazhdueshëm, por nuk mund të ndikojë në marrëdhënien mes dy vendeve. Do të diskutohet dhe vaksina Turkovac dhe Shqipëria mund të jetë e para që të marrë atë, falas”, u shpreh Ejupi.
Historiani Paskal Milo në studion e lajmeve të MCN TV tha se data 17 janar e vizitës së Erdogan në Shqipëri përkon me ditën e vdekjes së prijësit shqiptar, Gjergj Kastriot Skënderbeu, që udhëhoqi luftën kundër Perandorisë Osmane.
“Vizita e Erdogan në Shqipëri vjen në ditën që ka vdekur Skëndërbeu. Nuk e di nëse kjo ka një lidhje, apo është rastësi”, tha Milo.
