Situatë qesharake e ka cilësuar Edi Paloka, i cili është një prej anëtarëve të Komisionit të Rithemelimit të PD, miratuar dje nga Kuvendi Kombëtar, atë të krijuar në selinë e demokratëve, nga kryetari i shkarkuar Lulzim Basha.
Paloka ka reaguar lidhur me një mbledhje të Këshillit Kombëtar të PD, të thirrur nga Lulzim Basha, ku pritet të shkarkohen kreu i Këshillit Kombëtar, 11 drejtues dege, si dhe sekretarët që morën pjesë në Kuvendin e PD, i cili nuk njihet nga Lulzim Basha.
“Akti e mbrëmshëm po dhe ky i sotmi është thjeshtë në vazhdën e akteve të fundit, që me keqeardhje të plotë e shpreh, po e bëjnë gjithnjë e më qesharake situatën në atë seli. Basha është shkarkuar dje nga Kuvendi, po edhe ne, të cileve ai ka shpallur se do të na shkarkoka sot, jemi nga dje pjesë e Komisionit të Rithemelimit të PD”, shkruan Paloka.
Reagimi nga Edi Paloka
Dje Kuvendi i PD , i mbledhur sipas parashikimit ne statut, nga delegatet e tij , mori disa vendime te rendesishme. Nder to ngritjen e Komisionit te Rithemelimit te PD , i cili do te kete edhe detyren e pergjegjesine per organizimin e zgjedhjeve per kryetarin e ri te PD.
Akti e mbremshem po dhe ky i sotmi eshte thjeshte ne vazhden e akteve te fundit , qe me keqeardhje te plote e shpreh , po e bejne gjithnje e me qesharake situaten ne ate seli. Basha eshte shkarkuar dje nga Kuvendi, po edhe ne, te cileve ai ka shpallur se do te na shkarkoka sot, jemi nga dje pjese e Komisionit te Rithemelimit te PD .
Ata , sekretaret, qe kerkon kryetari i shkarkuar, te shkarkoje sot, kane votuar dje bashke me delegatet e tjere, per shkrirjen provizore edhe te funksioneve te tyre… Pra miqte e mi, mos u ndjeni aspak ne siklet per poziten time.
Karrigia nuk ka qene kurre halli im, per kete mjafton historia ime ne 31 vitet ne PD qe ta kuptoje kushdo edhe ata qe nuk me njohin. Une jam i shqetesuar per ju dhe antaret e tjere te Keshillit Kombetar sepse ne fund te fundit perfaqesojne demokratet prandaj nuk do doja ti shihja ne kete gjendje aspak dinjitoze dhe per fat te keq deri qesharake, ku po i shtyn Basha.
E shpreh me sinqeritetin me te madh, se ne gjithe kete situate , keqardhjen dhe dhimbjen me te madhe e kam pikerisht per Lulzim Bashen. Sinqerisht e perseris , per hir te viteve qe kemi kaluar ai si kryetar e une si nenkryetar, ndjej keqardhje kur shoh se si arriti ne kete pike. Mendoja se te pakten do dinte te tregohej pak me dinjitoz dhe i mençur.
Sidoqofte , e rendesishme eshte e ardhmja e PD dhe une kam bindjen se qe nga dje , demokratet jane ngritur dhe nje here ne kembe! Me kete rast do i ftoj dhe nje here , te gjithe , te bashkohemi per interesin e demokrateve dhe te gjithe shqiptareve sepse edhe interesi personal i gjithesecilit prej nesh eshte i lidhur me interesat e tyre. Rrezimi i rregjimit dhe rikthimi i PD ne fitore duhet te jete i vetmi interes qe na bashkon!