Lulzim Basha, i cili dje u shkarkua nga Kuvendi Kombëtar i PD, por ai nuk e njeh këtë vendim, ka thirrur sot një mbledhje të Këshillit Kombëtar, ku pritet të kërkojë shkarkimin e Edi Palokës si Kryetar i KK-së, sekretarëve që morën pjesë në Kuvend, si dhe 11 kryetarë degësh.
Mbledhja e Këshillit Kombëtar pritet të nisë në orën 15:00, ndërsa Komisioni i Rithemelimit të PD, përmes një apeli drejtuar anëtarëve i kërkon që të mos ndjekin më nga pas karrigethyerin Lulzim Basha.
Por ky i fundit, po përmes një mesazhi shprehet se Këshilli do të marrë vendime për të ardhmen e PD. Basha thekson se PD nuk do të mbahet peng dhe nuk do të tërhiqet zvarrë nga askush.
Madje Basha shprehet se askush nuk do të ketë shansin të kërcënojë demokratët në shtëpinë e tyre dhe se kjo parti nuk do të shndërrohet në bunker për askënd.
Mesazhi i Bashës
Te nderuar anetare te Keshillit Kombetar,
Sot Keshilli Kombetar mblidhet ne ora 15:00 per te marre vendime te rendesishme per te ardhmen e Partise Demokratike. PD nuk do te mbahet peng dhe nuk do te terhiqet zvarre nga askush!
As nga ai qe sot po rrezikon te ardhmen e demokrateve per interesin e tij personal, ne lufte te hapur me SHBA.
Askush, perfshire Sali Berishen, nuk do te kete shansin te kercenoje demokratet ne shtepine e tyre. PD qe u themelua si shtepia e lirise, nuk do te shndrrohet ne bunker per askend, as sot as kurre.
Ne do vazhdojme te cliruar dhe te vendosur betejen tone kunder regjimit te Edi Rames per ta sjelle ne pushtet Partine Demokratike, qe eshte shpresa e vetme e shqiptareve per te ardhmen dhe per ndryshim!