VIDEO/ Endri Hasa i PD: Përfaqësuesi i Tom Doshit firmosi si delegat i Sali Berishës

Sekretar për Organizimin Dixhital i Partisë Demokratike, Endri Hasa ka denoncuar se një mbështetës i Tom Doshit në zgjedhjet e fundit parlamentare, ka firmosur për Kuvendin e 11 Dhjetorit.

Në një postim në rrjetet sociale, të shpërndarë dhe faqja zyrtare e PD-së, Hasa shprehet se “në 8 vite, Partia Demokratike ka dënuar ashpër influencën e grupeve kriminale në politikë dhe ka zhvilluar një betejë të hapur kundër përfshirjes së tyre në politikë duke miratuar dhe ligjin e dekriminalizimit”.

“Është trishtuese që sot persona të skeduar si të lidhur me krimin dhe ortakët e Edi Ramës në masakrën zgjedhore, Aqif Rakipi dhe Tom Doshi, ndërhyjnë që të mbledhin firma për Sali Berishën. Një ndër ta është edhe Përparim Kolaveri, përfaqësues i Tom Doshit që firmos si delegat për datën 11 dhjetor”, shton.

LEXO EDHE  Pipero: Ja kur i vjen fundi pandemisë

“Është e qartë që përçarja e PD-së është interesi më i mirë i regjimit të Edi Ramës dhe bashkëpunëtorëve të tij non grata. Demokratët do të vazhdojnë betejën e  tyre kundër regjimit të Ramës dhe tentakulave të tyre pranë PD-së. Demokratët kanë një dhe vetëm një kundërshtar, ai është Edi Rama dhe regjimi i tij”, përfundon ai, teksa poston videon e mëposhtme.