Gazeta franceze “Liberation” ngre akuza të rënda kundër Komisionerit të BE-së, austriakut Johannes Hahn.
Mediat raportojnë se Hahn i ka lejuar lobistët ta ftojnë atë në udhëtime gjuetie dhe dreka e darka të shtrenjta, pa i raportuar ato, sikundër duhej të ndodhte.
Hahn i ka mohuar akuzat ndaj tij.
Sipas artikullit, Hahn mori pjesë në një festë gjuetie në dhjetor 2015, e cila u pagua nga lobi belg i pronarëve të tokave (ELO). Sipas “Liberation”, ai duhej të deklaronte pjesëmarrjen në Komision, sipas kodit të mirësjelljes.
Një zëdhënës i Hahn tha se pjesëmarrja ishte “thjesht e një natyre private”. Ai merrte pjesë në shoqërinë e partnerit të tij në atë kohë, i cili kishte leje gjuetie. Prandaj nuk ishte e nevojshme që kjo të futej në regjistrin e transparencës.
Sipas “Standard”, Hahn po vë në dukje edhe një tjetër konflikt interesi: në qershor 2021, ai u takua tre herë për darkë me përfaqësuesen austriak në Gjykatën e Audituesve, Helga Berger, njëra prej të cilave shoqërohej nga partnerja e tij aktuale, Susanne.
Riess-Passer, zëvendëskancelari i mëparshëm i qeverisë tha se Berger rezervoi faturat në zyrën e auditimit.
Zyra e Hahn sqaron se këto takime janë “pjesë e shkëmbimit të rregullt që Komisioneri ka me përfaqësues të institucioneve/organizatave që kanë të bëjnë me aktivitete në kuadër të portofolit të tij”.
“Regjistrimi në regjistrin e transparencës nuk ishte i nevojshëm”, shtoi ai.
Johanner Hahn është i njohur për deklaratat anti-korrupsion në Shqipëri, ndërsa ishte një nga mbështetësit kryesorë të reformës në drejtësi. Hahn gjithashtu në deklaratat publike ka vlerësuar progresin e bërë nga Shqipëria në rrugën e integrimit.
“Problemet e mëdha me sundimin e ligjit në vendet ballkanike po frenojnë ekonominë e rajonit”, deklaronte ai kohë më parë, duke shtuar se është në interes të këtyre vendeve të zbatojnë ligjin në mënyrë që të tërheqin sa më shumë investitorë dhe të gjerenojnë ekonomitë e tyre.
Komisioneri Hahn ka qenë një nga europarlamentarët dhe zyrtarët e BE që është suportuar dhe ka suportuar politikat e George Soros.
