Sistemi i drejtësisë, për shumë kohë, është konsideruar ndër pushtetet më të korruptuara në Shqipëri.
Ky qëndrim, i përhapur gjerësisht në opinionin publik, nuk ishte aq pa bazë. Qytetarët e shihnin se si një nëmër i konsiderueshëm gjyqtarësh e prokurorësh, të cilët shqyrtonin çështjet e tyre, kishin ndërtuar një jetë luksoze.
Apartamente, makina të shtrenjta, pushime me të gjithë komoditetet e pasanikëve kanë parakaluar në sytë e njerëzve, të cilët prisnin të merrnin drejtësi nga një pjesë e atyre që konsideroheshin si “kasta e drejtësisë”.
Dhe, natyrisht, nën siglën e luksit, gjyqtarët e prokurorë të ndryshëm e lejuan veten të përfshiheshin në “vese” të personave të famshëm, dreka e darka luksoze, jetë nate me shishe shampanje shatërvan, por edhe përdorim drogash të shtrenjta.
Për shkak të këtyre “veseve”, ka pasur edhe nga ata gjyqtarë që janë përfshirë në konflikte fizike e deri në plagosje, pas përleshjeve për “një femër të përbashkët” dhe më pas janë justifikuar se janë përplasur tek dollapi i shtëpisë.
Natyrisht, të gjitha këto zhvillime brenda sistemit të drejtësisë, kanë mbetur në kuadrin e “thashethemnajave”, përsa kohë nuk ka pasur veprime ligjore kundër tyre.
Kolegët gjyqtarë e prokurorë nuk kanë prekur të ngjashmit e tyre, duke i toleruar në maksimum rastet e shkeljeve nën efektin e alkoolit apo lëndëve narkotike.
Policia, nga ana tjetër, ka mbyllur jo njërin, por të dy sytë, kur ka identifikuar gjyqtarë e prokurorë, të cilët, nën efektin e narkotikëve, kanë kryer sjellje anti-ligjore gjatë detyrës e sidomos jashtë saj.
Politika, herë pas here, risjell si çështje nevojën e verifikimit të deputetëve e zyrtarëve të lartë, të cilët gjejnë prehje nga lodhja e ditës tek “vizat e kokainës”.
Për gjyqtarët, kjo çështje nuk është ngritur, megjithëse është e nevojshme.
Nëse ndonjë ditë do të vendosej që togat e zeza t’i nënshtroheshin testit të përdorimit të drogës, po gjyqtari i Tiranës, Besnik Hoxha, a do të ishte i gatshëm që të pranonte ta kryente publikisht? /BN/
