Basha: Nëse Berisha shkel statutin e PD, do përjashtohet

Kreu demokrat Lulzim Basha tha në një intervistë për Oranews se Sali Berisha me foltoren e tij po i shërben Edi Ramës.

Basha tha se akuzat e Berishës kundër tij janë njëlloj si akuzat që bën Edi Rama.

“Janë 3 faktorë që kontrollojnë tranzicionin prej 30 vitesh me fije të dukshme dhe të padukshme dhe ato janë Edi Rama, Sali Berisha dhe kushdo tjetër, që mendon se janë mbi ligjin”, tha Basha.

Sipas tij, Berisha në Foltoren e tij ka afruar personazhe si Aqif Rakipi, që i larguam nga zyrat e shtetit apo politika përmes ligjit të dekriminalizimit, dhe sot nuk do të lejojmë që të marrin PD.

2Qartë shkurt e prerë. Nuk ka asnjë shans që ata një pjesë e të cilëve kemi nxjerrë nga zyrat e shtetit dhe do i nxjerrim bashkë me Edi Ramën të vijnë e të uzurpojnë PD-në. Nuk ka shans të ndodhë. 18 dhjetori është dita e bashkimit të PD-së. Është dita e dhënies fund të tollovisë për interesa personale të Sali Berishës. Dita e përgjigjes së merituar për Aqif Rakipët, Tom Doshët, Suel Çelët që mendojnë se u erdhi dita se pasi kanë kapur Edi Ramën e PS-së të kapin dhe PD-në.

LEXO EDHE  PD e Kavajës publikon emrat e delegatëve që kanë firmosur për 11 Dhjetorin

Asgjë nuk e lëkund vendosmërinë time për të bërë ndryshimin me të gjithë demokratët dhe shqiptarët, kundër atyre që duan statusquo, që përfitojnë si në pozitë dhe në qeverisjen e vendit”, tha Basha.

Kreu demokrat tha se nuk është ai që largon njeri nga PD, por është statuti i saj që vendos sanskionet ndaj atyre që shkelin statutin.

“Nëse Berisha e nisi betejën për demokracinë e brendshme, po e mbyll me atë që realisht nisi, përdorimin e PD si një mburojë për tu mbrojtur nga “non grata”, me gjuhën përçarëse të PD, atëherë kuptohet se statuti do të veprojë”, tha Basha.